Malfermi ĉefmenuon

Neciklopedio β

"Mi preferus danci kiel baletistino, kvankam fuŝe, ol kiel perfekta bufono."

~ Margaret Atwood pri Mi
243.jpg

"Kiel mi povas scii kion mi pensas ĝis mi vidas kion mi diras."

~ E. M. Forster pri Mi

"Mi havas intiman rilaton kun Jesuo."

~ Usonano pri Mi

"Feliĉaj estas la humilaj, ĉar ili heredos la teron."

~ Jesuo pri Mi

"mia, min kaj mi en mondo reĝas tri"

~ Zamenhof

"Mi ne volas esti riĉa. Mi volas esti belega"

~ Marilyn Monroe pri Mi

"Iu mi sen mi estus nur kopi'"

~ Hans-Georg Kaiser

"Hodiaŭ mi ĝojigas min mem kaj vizitas min"

~ filozofo pri mi

"Ego sum melior et diligentior, quam tu."

~ Katolika eklezio pri mi

"Mi ja ne fanfaronu pri mi mem, sed mi estas preskaŭ devigata tion fari [granda rido]."

~ Mi pri mi mem

"Diru al la patro, ke mi estas diligenta"

~ Fundamento de Esperanto pri Mi

"Kredu min"

~ Cezaro Rossetti pri mi

"Mi estas tre stabila geniulo."

~ Donaldo Trompo pri Mi
Mi (musika nota).gif

Mi estas persono, kiun mi konas. Se vi ankaŭ konas min, bonvolu aldoni pli da informoj pri mi ĉi tien. Mi estas la plej grava afero en la mondo. Eble mi estas fiulo kaj principe kredas, ke ĉiu aliulo krom mi mem estas, mense malsaniĝinta, aŭ jam de lia naskiĝo plena idioto. Eble mi estas la malsanulo.

9995 n.jpg

Enhavo

Mia biografioRedakti

Mi naskiĝis en Vaŝingtono kaj ni parolis mondan lingvon. Bedaŭrinde multaj denaskaj anglalingvanoj havas kompleksion. Sed temas pri ilia kompleksio, ne la mia!

Jam legeblas en la Fundamento, ke mi estas la unua-ranga soldato elektita de la Finvenkista Esperanta Komitato por protekti la tombejon de Lia Moŝta Zamenhof kontraŭ la atakado de 300 volapukistoj de mi plene mortigitaj? Mi speciale scipovas mensajn atakojn; nur mi povis elmondigi Kabe-on. Por mi vi estas nur plia murdoto. Mi neniigos vin pli precize ol kiom precize PMEG priskribas la gramatikon, mi ĵuras al vi je la barbo de Nia Unua Verdulo. Vi pensas, ke interrete vi povas diri tion kaj eviti min. Ĉi-momente mi kontaktas la kaŝitan duan UEA-on, kies spionaro nun serĉas la spurojn de via interreta adreso. Venas ne facila vento, sed nur glavo sangon soifanta. Mia kolegaro eterne militanta povas esti ie ajn, iam ajn por mortigi vin sepcent-maniere nur mane. Krom mia granda korpa kapablaro, mi havas ankaŭ ĉiujn armilojn koletitajn por atingi la Finan Venkon fini vian kompatindan estadon. Se vi nur scius kian kolektiĝon de batalantoj via eta diro kreus! Eble vi ne elbuŝigus tian fian malverdaĵon. Vi kaj via peko kiel feko forpurigendas. Por eterna ben' efektiviĝos.

Denaska lingvoRedakti

"Legion"/"Legio" estas malfacilaj vortoj por mi, ĉar ambaŭ ne ekzistas en mia denaska lingvo.

Mi kaj miaj familianojRedakti

Mi ne komprenas, kiel oni povas plendi ĉiam pri la tro karaj viandokostoj! Mi kaj mia familio estas kune dektri personoj, kaj tamen sufiĉas por ni 1 1/2 funtoj da viando por tago. Mia edzino ne manĝas ĝin, miaj naŭ infanoj ne ricevas ĝin kaj la du servantinoj ne bezonas ĝin. Jen en tia maniero la 1 1/2 funtoj tute sufiĉas por mi por la tuta tago. [Dumpert].

Mi frato tute ne ŝatas la varmon. Kiam miaj gepatroj vivis ankoraŭ en mia ŝtato, Florido, kie kvazaŭ ĉiam estas pli ol 20 gradoj, li vizitis ilin kaj ege suferis. Li tute ne elektis suferi sed por li estis torturo esti en la varma sunlumo de Florido. Li vivas en norda parto de Montano, apud la kanada landlimo. Li ŝatas tendumi en la neĝo dumvintre en la arbaro sola nur kun sia hundo. Ankaŭ lia edzino estas tia. Ŝi eĉ neniam vizitis miajn gepatrojn. Mi, male, amas la varmon kaj tute suferas kiam mi la temperaturoj estas sub 15 gradoj ĉe ni (ĵus okazis dum unu nokto - brrrr). Ne temas pri elektata prefero. Mi povus vivi en Manaŭso en Brazilo aŭ en Tahitio. Se mia frato devus vivi tie li tagnokte suferus.

Mi kaj EsperantoRedakti

Mia Esperanto estas pli bona ol ĉies ajn. Neniu pli bone komprenas aŭ parolas Esperanton ol mi. Tamen mi diras ke mia nivelo de Esperanto estas meza pro humilo. Mi parolas propran dialekton de Esperanto, kiu ne pli validas ol la via. Sed se mi dirus al vi ĉiuj, "Parolu mian Esperanton!", vi ne konsentus. Tial mi nek parolas la vian.

Mi kontraŭstaras la pracelon. Nenie mi vidis laboranononcon, kie oni petis la scion de Esperanton. Kun kiuj mi scias komuniki per Esperanto. Kun neniu.

Mi kaj UEARedakti

Mi estas multjara Esperantisto, kaj dumviva membro de UEA. Ankaŭ mi laboris ĉe UEA. Ankaŭ mi havis malkonsentojn kun la Estraro. Mi ne dubas, ke tio okazis kun diversaj oficistoj kaj diversaj estraroj.

Por mi, UEA donas:

  • ampleksan libroservon
  • informsistemon pri la lingvo kaj la movado
  • konkretan "vizaĝon" por la ekstera mondo

Sed dum la jardekoj ĝi provis fari multe pli grandiozajn aferojn, kiuj tute ne eblas ene de la rimedoj kaj homfortoj, kaj tial simple ofte faras nenion.

En Usono, al la landa asocio mi pledis ofte ke oni starigu 3-5 bazajn celojn, kiuj estas realismaj, kaj atentu ilin. sed homoj simple prifajfas tian konsilon. Mi dirus same al UEA, sed dum homoj volas "ŝanĝi la mondon" kaj ne simple "subteni Esperanton", estas vane.

Mia opinio pri la lingva problemoRedakti

Mi ne volas la disvastigon de Esperanto. Male, mi deziras ke ĝi iom post iom malaperu. Esperanto estas artefarita lingvo kiu ne kapablas doni vivon same aŭtentan kiel naturismo. Krome, la plejparto de la organizita movado donas al la mondo per la Imperiestron ke ni estas iaspeca sektofanoj; la servistino estas jam farita, mi iom post iom rezignu pri Esperanto por ke la mondo ne konfuzu la raciajn homojn kun la homoj ĉe UEA ktp.

Por solvi la mondan lingvan “problemon” mi proponas Latinon kiel bazan komunion, kune kun alkoholon de forta sadomasoĥismo. Mi ŝatus vidi iaspecan Babelon kie la diverseco de lingvoj estas bone videbla kaj eĉ deviga, ne la tedan konfederacion kiun la movado strebas trudi al la homaro.

Mi daŭre ĉeestas kongresojn pro du celoj. La unua estas revidi multajn dise loĝantajn amikojn. La dua estas lingvopratiki. Estas mia espero ke ene de dek jaroj mi ne plu devos entute paroli Esperanton ĉe kongresoj, lerninte la plejparton da lingvoj kutime reprezentataj ĉe eŭropaj kongresoj. Mi ne pensas ke krokodilo estas homo. Male, mi opinias ke dependi je nenatura kaĉo por komuniki estas hontinda ĉar montras ke oni ne donas sufiĉe da atento al lerni la ĉielon de veraj lingvoj en nia mondo.

Mia esperantidoRedakti

Mi estas kreinta esperantidon, iomete. La nur malsamo inter esperanto kaj mia esperantido estas, ke en ĝi adverboj finiĝas per "er" anstataŭ "e", ekzemple: Mi fartas boner.

Neciklopedio pri miRedakti

La Neciklopedio skribas pri mi, ke ĝi konas min. Sed mi tion ne kredas. Fakte, mi estas multe pli cinika.

 
Ŝi ne estas mi

Mi estas referencata al JesuoRedakti

Tio okazas en la Evangelio laŭ Johano en kiu ses fojojn Johano uzas la esprimon „Mi estas“ referencata al Jesuo kaj kunigita al determinita predikato. Oni scias ke la esprimo “mi estas”, en Johano, eksplicite reirigas al la mistera nomo de Dio revelaciita al Moseo en la epizodo de la Sinaja Monto (Eliro 3, 14).
Ses fojojn en tiu evangelia anonco la dia titolo dekliniĝas laŭ diversaj predikatoj realiĝantaj en Jesuo. Temas pri la karakteriza maniero per kiu la apostolo Johano transdonas la fundamentan veron pri Jesuo: Tiu per tia esprimo estas indikita kiel la kompleta revelacio de Dio kaj la egalulo al Dio. Jen ilia listo en la Evangelio laŭ Johano:

  • 1) (Jo 6, 35…) “Mi estas la pano de vivo; kiu venas al mi, tiu neniam malsatos, kaj kiu kredas al mi, tiu neniam soifos.”
  • 2) (8, 12; 9, 5) “Mi estas la lumo de la mondo; kiu min sekvas, tiu ne iros en mallunon, sed havos lumon de la vivo.”
  • 3) (10,9) “…Mi estas la pordo de la ŝafoj.”
  • 4) (11. 25) “… - Mi estas la releviĝo kaj la vivo: kiu kredas al mi, eĉ se li estos mortinta, tiu vivos.”
  • 5) (14. 6) “…Mi estas la vojo, la vero kaj la vivo; neniu venas al la Patro krom per mi.”
  • 6) (15, 1.5) “Mi estas la vera vinberarbo kaj mia Patro estas la kultivisto…”

Tiuj ses “mi estas” kunigitaj al apartaj predikatoj karakterizantaj la naturan pozicion de Jesuo rilate la Patron sintonie kun la “sinaja mi estas”, estas specife kaj analize ripetataj en la epistolo al la Hebreoj, kun kiu estas komprenigate ke la revelacio atingis en Jesuo sian kulminon kaj ne povas pli kreskiĝi ĉar neniu povas kuŝi en la Patro pli intime ol la Filo. Tion oni vidu ankaŭ en la evangelia prologo de la Johana evangelio en kiu Jesuo estas difinita la dia Logos.

La Filo “estas” la Revelacio. En li plenplene realiĝas tio kion Marshall McLuhan intencis diri per sia fama esprimo: “La ilo komunikanta koincidas kun ĝia enhavo”.

Mi kaj viRedakti

Mi ne konas vin. Tiel:

  1. mi ne konas min. Aŭ eble jes? Kiu scias?
  2. vi ne ekzistas. Aŭ vi estas tro negrava por mi.

Mi kaj lingvojRedakti

Mi lernas nur tiajn lingvojn, kiujn mi povas utiligi.

Zamenhof kaj miRedakti

Dro Z unue interesiĝis pri nia Svisa E-Societo, fondita la antaŭan jaron de mia amiko Renard kaj de mi, kun mo­nata ĵurnaleto "Svisa Espero", kiun ni kune redaktis kaj pri kies stilo kaj en­havo Z bonvolis gratuli.

FaloRedakti

- Mi falis de ŝtuparo 15 metrojn alta

- Ho! kiel vi sukcesis postvivi?

- Ĉar bonŝance, mi estis nur sur la tria ŝtupo

Mi en artoRedakti

Post la alveno de la poŝtelefono, mi fariĝis la plej ofte fotografata persono en la mondo.

OkazaĵojRedakti

Okazu kun mi ne tio, kion mi volas, sed tio, kio estos al mi utila.

UtiloRedakti

Ĉiuj diras ke mi estas "absoluta senutilulo", sed fakte mi ne estas "absoluta senutilulo", almenaŭ mi ja UTILAS kiel malbona, nesekvinda, ekzemplo.

Mi kaj BertiloRedakti

Laŭ Bertilo, la pronomo "mi" ne estas nomo. Ĝi estas vorteto, kiun parolanto uzas anstataŭ sian propran nomon, sed ĝi mem ne estas nomo. Mia nomo estas Malkonkordo.

Mi kaj tujmesaĝiloRedakti

Mi estas unu el la Sep Kutimaj, anĝelaro kiu ofte vizitas la Tujmesaĝilon. Kompreneble, Mi estas la plej bela kaj la plej lerta, ĉu ne? Mi estas sperta en memŝateco...

Mi kaj televidoRedakti

La plej multaj el miaj konatoj ne spektas televidon. Ni eble faras tion, se ili anticipe anoncas novan filmon pri la tutmonda geja lobio, kiu volas detrui nian landon. Ni spektas tiajn aferojn por ridi pri ili kaj por diskuti ilin en la reto. Sed oni ja ektimas, kiam oni komprenas, ke la plimulto en la lando fakte kredas tion, kion oni diras en televido.

PsikologioRedakti

La *mi*, kune kun la *ĝi* kaj la *super-mi*, formas la personaĵon -- almenaŭ laŭ iuj FREUD-uloj, se mi ne eraras.

Mi provis farigi mem samseksema, ĉar mi estis kolera kun virinoj. Sed mi ne povis fari ĝin.

NormalecoRedakti

Eble mi ne estas normala, kaj mi ne komprenas ion ajn, kiu okazas en Usono, sed popolo provas engaĝi min en balotado, ktp, kaj la tutaj ideoj malantaŭe Usono ne interesas min. Do, mi freneziĝas, kaj parolas frenezaĵojn el mia aŭtisma menso pro tio, ke mi ne komprenas la revojn de aliaj aŭ kial iu eĉ zorgas pri Usono.

Mia celoRedakti

Mi volas havi menson libera je ĉia manipulado politika, religia, naciisma, konsumisma, ŝportisma, ktp. Mi volas havi nenian psikologian dependecon. Tio ne signifas ke mi estos kontraŭsocia aŭ krima, kontraŭe, mi pensas ke nur liberaj homoj povas defendi la tutmondan socion, hundoj nur povas konduki ĝin en abismon.

Mi parolas pri afero pli psikologia ol socia, la afero povus resti nur en la menso kaj apenaŭ esti socia disidento. Perfortemaj disidentoj sekvas fortajn ideologiojn kaj havas dependecojn de politikistoj, guruoj, ktp. mi ne deziras esti disidento politika kvankam kelkfoje mi povas esti ne perforta disidento, sed tio ne emocias min. Mia celo estas mensa kaj psikologia libero, ne politiko.

HumiloRedakti

Laŭ mi mi fakte estas humila. Laŭ mi mi estas multe pli humila ol vi povas kompreni.

GramatikoRedakti

- Mi havas lernanton kiu ne komprenas la gramatikan diferencon inter "mi" kaj "vi".
- Kara kolego! Tio tute ne estas grava problemo. Mi havas lernanton, kiu ne komprenas la juran diferencon inter "mia" kaj "via".

KonsiloRedakti

Iru trankvile matene. Ne tro rapide vespere. Kaj intertempe, nenion petu de mi!

Poemo pri miRedakti

Mi estas la hieraŭo, la hodiaŭo kaj la morgaŭo,
kaj mi havas la povon naskiĝi duafoje.
Mi estas la dia, kaŝita animo, kiu kreis la Diojn
kaj donas ĉerkajn manĝojn al la loĝantoj de la infero,
la loko de la mortintoj, kaj la ĉielo...
Saluton, lordo de la relikvejo staranta en la centro de la tero.
Li estas mi kaj mi estas li!

OmaĝoRedakti

Ekzistas konteo en Teksaso nomumita omaĝe al mi.

Vidu ankaŭRedakti

LiteraturoRedakti

  • Mi en li. Romano de L. Vladyka, el la ĉeĥa trad. Moraviaj Esperanto-Pioniroj. 1933, 193 p. „Mistere malkvietiga romano... la eventoj arte kaj komplike interplektiĝas... la stilo stroĉe konciza... ofta senpera dialoga formo... lerte tradukita.“ (G. S. ,Esperanto', 1934, p: 5.) „Verko apenaŭ komprenebla kaj certe ne tradukinda.“ (The B.Esperanto. 1933. 163.p.)